Sunday, March 29, 2009

Arsenal vanga ka tawrhna

He thu hi Mizo tawng ngeia ziah ka duh. English chuan ka duh angin ka soi thiamlo palh ang. Sawi tan nghal deuh mawp mawp mai ila. (paragraph tharah te han ti mawi ve ila)

Kar hnih vel liam ta khan ka thian thenkhat te nen kan office bang dinner eichhuak ang u kan tia kan han inrawt phur ve vel a. Chutah Sparky's Diner ah sa duhtawkin a ei theih tih kan zinga mi pakhatin a han sawi chu hmun dang tumahin kan sawi tawhlo. Kan pan ta nghal chat a. Bawngsa ei treuh chiah rilruah a om tawh. Kan va thleng ve ta rawih reng a. Mi an lo tam angreng hle a. Keini ai chuan sum leh pai lamah an harsa lo tih hriat reng reng hlir mai an lo phe suau suau mai a. Mahni insit duh bik chuanglo chuan intithei fahran hian kan va thu ve thap mai a.

Chaw kan ei tran dawn tihah chuan kut te ka va sil ve a, mi tih ang te te in. Chuta ka thutna ka pan lehna kawnga ka thil tawn chu a rapthlakin a rilru nat thlak phian mai. An waiter pakhat, American tlangval, pian lamah chuan chhuan tur neilo ve tak mai hian ka kawr hak chu lo hmu fuh ve ngang aniang chu. "Engtin nge Arsenal i tan theih a?" tih zawhna mawl angreng pui chu min lo zawt nulh roh a. Chhan ngaihna ka hrelo lek lek zawk. "Khawvelah anni aia club tha an omlo" kan ti ve khauh mai a (dawt ni heklo). Chutah a nui liam mai dawn emaw tih laiin, "Khawvela club chhe ber i tan" min han ti leh mai chu. "Nang hian chuti chuan min ti maw, lula hnam kan nih hi" tih a reh deuh nawk nawk mai kha ka duh mai a. Football pawh kut khelh na ram atanga lo kal khan khatia min ti kha ka arsenal rilru hi ana thlawt ani. Chu pa pui roh chuan a uniform korkilh chu a phelh nuap nuap a, a chhungah kawr dnag alo ha chu niin. A kawr chu ka han hmuh chiang chuan Chelsea jersey alo ha ve trut chu niin. "Aw!!! vala, ilo bo thui em anih hi" tih pah chuan ka thutna lam chu ka pan ta hnak hnak a.

Chu thil thleng chu ka theihnghilh mai dawn emaw tih naklaiin, ka la na tawlh2 mai hian ka hria a. Ngawih bo pui mai chu a harsa aniang e. Hei thei leh theiloin kan ziak chhuak ta nawk nawk mai. Arsenal lama kan hotute zuk hrilh hial kha ka duh a. Mahse, an lo la na lutuk anga game lamah te nghawng te a nei palh ang tih ka hlau a ka insum hram hram a. Manchester jersey lo ha phei se chuan court hial ka thlenpui ang.

Hemi thu ka ziah lai hian ka rilruah thu alo thleng a. Kan duh te hi inang vek ta se, khovelah hian buaina nasa zawk a thleng ang em? Midang tana engmah nilo kha a thenin lungawi taka an lo pawm a, an hlimpui chuan, chu tluka thil tha a awm chuang dawn em ni? te ka han ti ve deuh a.

11 comments:

  1. "Nang hian chuti chuan min ti maw, lula hnam kan nih hi"

    Hahaha ka tan lutuk che!!! Tiang tur hi kan ni Arsenal dik tak ho chu. Comon Gunnerrsssssss!!!! Hnek thal tawp tur a lawm chu Chelsea pa ve mai mai te chu, sala!

    :-)

    ReplyDelete
  2. @illusionaire: hneh loh palh chu hlau lo ila ka hnek hrim2 ang. A lian roh riau a. haha

    ReplyDelete
  3. A va han chhe roh ziap zuap ve... Eng pawh thleng se malin i awm lo tih lo hre reng rawh khai, heta hi ARSENAL rum rut kan awm reng a nia.... !!!

    ReplyDelete
  4. In ho e.. CUP an la a mi arsenal chuan. Glass CUP.. an la E zui mawle CUP ah chuan.

    ReplyDelete
  5. American (emrik'n tia lam tur. lol) hovin football an hre ve ringawt ami? i ti lova nih chu aw... Football na na na soccer an han ti tralh lehnghal ah.

    ReplyDelete
  6. @Varte: ava han thlamuan thlak thin tak em.. duhthlanna khovel ah hian keini gunners ho hian kanlo thlang thiam ber anih hi...

    @Loretta: CUP or Ek lam anilo.. thinlung hi ani keini chu.. Silaimu chhuak apiangin a tum a fuh kherlo ang hian kan duh angin thil a kal vek biklo.. mahse kan nihna a dang chuanglo.. :)

    @tetea: lolzzz... nia mole.. an football ve chu an pawm daiha an tlan pui nul2 mai anni chuan..

    ReplyDelete
  7. Hehe. Avan na ngawih ngawih tak em ! :( Chhimtir ti khawpin i chum ngheng lo nia :-)

    By the way, Nice Blog! I template hi a nalh hle mai.

    ReplyDelete
  8. Ve tops. Khai rep la ni tur a nia, kei chu Liverpool. Kha daih kha a sin

    ReplyDelete
  9. @Sekibuhchhuak: thanks.. lo leng ziah ang che...

    @Geminiboyz: a lian roh angreng sia.. ka ti vak ngamlo alom.. Liverpool.. ka la hrethiam thei deuh e..lolz

    ReplyDelete
  10. Vanduaithlak takin Chelsea ka ni hlauh mai pek a! In inhnial naah chuan lo awm ve ta i la, boruak a san phah viau ang nge, a daih phah viau zawk ang aw... Btw, nice blog!

    ReplyDelete
  11. kum 2003 kha nitain ka hria, arsenal leh manu nkhela arsenal chaklo kha chu kala na ve khop mai.Thiante inah en a manu tan kha an tam si a, arsenal chakta silo kha chu hreawm ve tak a ni.Zahzela in neitu nu nula (arsenal tan ve tho) nen khan point anla hmusang ber tho tiin kanla hnial ve ringawt.Ka hrechhuak zawk mai.

    ReplyDelete